நீங்கள் பயன்படுத்தும் ஜி-மெயிலில் மாற்றம் கொண்டு வரும் கூகுள்; அப்படி என்ன புதுசு தெரியுமா!

ஜி-மெயில் பயனாளர்களே, உங்களது பேவரைட் இன்பாக்ஸில் மாற்றம் வரப் போகிறது. அதேசமயம் ஒட்டுமொத்த ஜி-மெயில் பயன்படுத்தும் செயல்பாட்டில் பெரிய மாற்றங்கள் தென்படும். இதுதொடர்பாக ஜி-சூட் கணக்குகளின் அட்மின்களுக்கு கூகுள் விரிவான இ-மெயில் அனுப்பியுள்ளது. இந்த புதிய மாற்றங்கள் சாதாரண வாடிக்கையாளர்களுக்கும் கிடைக்கும். ஜி-மெயில் வெப்பில் மிகச்சிறந்த மாற்றங்கள் வரும் தகவல்கள் தெரிவிக்கின்றன.



ஜி-மெயில் பயன்படுத்துவோர் செயல்பாட்டிலிருந்து வெளியேறாமல், கூகுள் ஆப்களை பயன்படுத்தலாம். இதேபோல் ஜி-சூட் ஆப்களையும் எளிதில் பயன்படுத்த முடியும் என்று கூகுள் தெரிவித்துள்ளது.



உங்களுக்கு வரும் இ-மெயில்களுக்கு வழக்கமான ரிப்ளைகளை டைப் செய்ய வேண்டிய அவசியமில்லை. ‘Thank You', 'Let's Go' போன்ற உதாரண ரிப்ளைகள், ஏற்கனவே தயார் செய்யப்பட்டு, உங்கள் பார்வைக்கு பயன்படுத்தும் வகையில் தென்படும். இந்த வசதி கூகுள் இன்பாக்ஸ், கூகுள் அல்லோ ஆகியவற்றில் ஏற்கனவே அறிமுகப்படுத்தப்பட்டது.



இ-மெயில் வருகை குறித்த அறிவிப்பை, சற்று முடக்கி வைக்கலாம். இதன்மூலம் ஒரு குறிப்பிட்ட நேரத்திற்கு மட்டும், இ-மெயில் அறிவிப்புகள் பெறாமல் செய்ய முடியும்.



மேலும் வெப் பயனாளர்களுக்கு ஜி-மெயில் தகவல்கள் ஆஃப் லைனில் கிடைக்க உள்ளது. இந்த வசதி ஜூன் 2018 முதல் செயல்பாட்டுக்கு வரும் என்று எதிர்பார்க்கப்படுகிறது. மே மாதம் நடைபெறவுள்ள I/O 2018 மாநாட்டில், மேலும் பல அறிவிப்புகள் கூகுள் வெளியிடவுள்ளது.

ஜி-மெயில் வெப் வெர்ஷனில் பயன்பாட்டு தளம் புதிய டிசைனைப் பெறவுள்ளது. இதுதொடர்பாக ‘தி வெர்ஜ்’ தளத்தில் கூகுள் செய்தி வெளியிட்டு உறுதி செய்துள்ளது. இந்த பார்வை தளத்தில் பல்வேறு வண்ணங்கள், ஈர்க்கக்கூடிய அம்சங்கள் இடம்பெற்றிருக்கும் என்று கூறப்படுகிறது.