உங்கள் கணினி வைரசால் தாக்கப்பட்டுள்ளதா என்பதை கண்டறிவது எப்படி…?

பொதுவாக கணினி பயன்படுத்தும் அனைவருக்கும் இந்த கணினி வைரஸ் குறித்து தெரிந்திருக்கும். ஒருசிலர் இந்த வைரஸ் தாக்குதலால் தங்களின் முக்கிய தரவுகளையும் இழந்திருப்பார்கள்.

கணினி வைரஸ் மற்றும் மால்வேர் என்பது ஒரு வகை கணினி கோடிங் ஆகும். இது உங்களின் கணினியின் மென்பொருளை ஆக்கிரமித்து கணினி சரியாக செயல்பட விடாமல் தடுக்கும்.

ஒரு சில வைரஸ்கள் உங்கள் கணினியை எதுவும் செய்யாமல் நேரடியாக உங்கள் முக்கிய பைல்கள் மற்றும் மின்னஞ்சல் போன்றவற்றில் உள்நுழைந்து தகவல்களை சிதைத்து விடும் அல்லது மற்றவர் திருடுவதற்கு வழிவகை செய்யும்.

ஹேக்கர்கள் தான் இது போன்ற வைரஸ் கமெண்டுகளை உருவாக்கி இணையத்தில் பரப்புகின்றனர். இதன் மூலம் நமது தகவல் எளிதில் திருடப்படவும் அதிக வாய்புகள் உள்ளன.

நாம் இது போன்ற வைரஸ்களிடம் சிக்காமல் இருப்பதே நமக்கு நல்லது. இருப்பினும் நமக்கே தெரியாமல் நமது கணினியில் எதோ ஒரு வகையில் இதுபோன்ற வைரஸ்கள் உள்நுழைந்து விடுகின்றன.

உங்கள் கணினியில் வைரஸ் இருக்கும் அறிகுறிகள்:-
– உங்கள் கணினியில் வைரஸ் இருக்கும் பட்சத்தில் உங்கள் கணினியின் வேகம் குறையும், இது தான் முதல் அறிகுறி.

– நீங்கள் எந்த மென்பொருளையும் இயக்காத பட்சத்திலும் உங்கள் கணினியின் வேகம் குறைந்து கணப்படும்.

– அடுத்ததாக உங்கள் தரவுகள் சிதைக்கப்படும், நீங்கள் சேமித்து வைத்துள்ள தரவுகளை திறக்கும் பொழுது பைல் கிராக்டு என்ற தகவல் வரும்.

– நீங்கள் ஏதேனும் ஒரு போல்டர் உருவாகும் போது அதே பெயரில் சார்ட்கட் போல்டர் உங்கள் அனுமதி இன்றியே உருவாக்கப்படும்.

– பொதுவாக சொல்லபோனால் உங்கள் கணினி வைரஸ்-சால் பாதிக்கப்பட்டிருப்பின் முன் போல் அல்லாமல் ஹேங் ஆகும்.

எவ்வாறு வைரஸ் நமது கணினியுள் நுழைகின்றன:-
– இணையம் பயன்படுத்தும் போது தவறுதலாக நாம் கிளிக் செய்யும் விளம்பர லிங்குகள்.

– மற்றொரு கணினியில் இருந்து பைல் காப்பி செய்து உங்கள் கணினியில் சேவ் செய்யும் போது வைரஸ் உள்நுழைய முடியும்.

– தேவை இல்லாத போல்டர்களை திறக்கும் போது தானாக இந்த வைரஸ் உங்கள் கணினியுனுள் வந்து விடும் .

– இணையம் மூலம் தான் அதிக வைரஸ்கள் பரவுகின்றன.

இந்த வைரஸ்களை தடுப்பது எப்படி:-
– உங்கள் கணினியில் ஆண்டி வைரஸ் மென்பொருள் இன்ஸ்டால் செய்ய வேண்டும்.

– மேலும் நீங்கள் இன்ஸ்டால் செய்துள்ள ஆண்டி வைரஸ் மென்பொருள் அப்டேட் செய்யப்பட்டுள்ளதா என்பதையும் உறுதி செய்துகொள்ள வேண்டும்.

– உங்கள் ஆண்டி வைரஸ் அப்டேட்டில் இருப்பது மிக அவசியம்.

– இணையம் பயன்படுத்தும் போது தேவையில்லாத விளம்பர லிங்குகளை கிளிக் செய்யாமல் இருக்கவும்.

– மற்றொரு கணினியில் இருந்து பைல் காப்பி செய்யும் போது கவனமாக இருக்கவும்.