10 நிமிடத்தில் தானகவே அழிந்திடும் ஈமெயில் முகவரி பெற

ஈமெயில் முகவரியை பிறரிடம் அளிப்பதில் சில சங்கடங்கள் உண்டு.

உங்களுக்கு அதிகம் அறிமுகம் / பழக்கம் இல்லாத நபர் ஒருவர் உங்களுக்கு தகவல் அனுப்ப வேண்டும் என்பதற்காக உங்கள் ஈமெயில் முகவரியை கேட்கிறார். அவருக்கு உங்கள் ஈமெயில் முகவரியை அளிக்க உங்களுக்கு தயக்கம். ஒரு முறை கொடுத்தால் அந்த நபர் தொடர்ந்து இம்சை தரக்கூடிய மெயில்களை அனுப்பி தொந்தரவு செய்வாரோ என்று தயங்குகிறீர்கள்.

சில தளங்கள் நீங்கள் ஈமெயில் முகவரி அளித்தால் தான் டவுன்லோட் செய்ய முடியும் / வீடியோ பார்க்க முடியும் என்ற கட்டுபாடுகளை வைத்து இருப்பார்கள்.

பெரும்பாலான தளங்களில் உள்ள சேவைகளை நீங்கள் உபயோகிக்க விரும்பும் போது உங்கள் ஈமெயில் முகவரியுடன் பதிவு செய்வதை கட்டாயமாக்கி இருப்பார்கள். பதிவு செய்யாமல் அவற்றின் சேவைகளை நாம் உபயோகிக்க முடியாது. அவ்வாறு பதிவு செய்யும் போது சில விஷம தளங்கள் நமது ஈமெயில் முகவரியை வியாபார ரீதியில் செயல்பட கூடிய மற்ற தளங்களுக்கு விற்று விடுவார்கள்.

விளைவு "லாட்டரியில் ஆயிரம் கோடி ருபாய் பரிசு விழுந்து இருக்கு!" என்று நம் ஈமெயில் முகவரிக்கு பல கசடு (Spam) ஈமெயில்கள் வந்து குவியும்.

தனிப்பட்ட உபயோகத்திற்கு ஒரு மெயில் முகவரியும், இது போன்ற பாதுகாப்பற்ற பிற உபயோகங்களுக்கு வேறு ஈமெயில் முகவரிகள் என்று பல ஈமெயில் முகவரிகளும் சிலர் உபயோகிப்பதுண்டு.

இது போன்ற தருணங்களில் நமது உண்மையான ஈமெயில் முகவரியை காப்பாற்றி, ஒரு தற்காலிக ஈமெயில் முகவரியை நம்பகம் இல்லாத இடங்களில் வழங்க ஒரு தளம் வழி செய்கிறது.

10 Minute Mail

இங்கு நீங்கள் உங்களுக்கு என தற்காலிக ஈமெயில் முகவரியை உருவாக்கி கொள்ளலாம். 10 minute email தளத்திற்கு நீங்கள் சென்று புதிய தற்காலிக ஈமெயிலை பெற்றிடுங்கள் ஈமெயில் முகவரியின் ஆயுட்காலம் 10 நிமிடம்  உங்கள் தற்காலிக ஈமெயில் முகவரி கிடைத்து விடும்.

இதனை நீங்க உபயோகிக்க விரும்பும் தளங்களில் / நபர்களிடம் தற்காலிகமாக உபயோகித்து கொள்ளலாம். ஆயுட்கால அளவிற்கு பின்பு இந்த ஈமெயில் முகவரி காலாவதி ஆகிவிடும்.

இதன் மூலம் தொடர்ச்சியாக வரும் கசடு (Spam) ஈமெயில்களிடம் இருந்து தப்பிக்கலாம். உங்கள் உண்மையான ஈமெயில் முகவரியையும் தேவையில்லாத இடங்களில் கொடுப்பதை தவிர்க்கலாம்.